Mustafa Jane Rahmat Pe Lakho Salam With Tazmeen Lyrics

Table of Content (toc)

تضمین بر سلام رضا
از: صاحبزادہ نصیر الدین نصیر گولڑوی

صاحبِ تاجِ عزت پہ لاکھوں سلام
واقفِ رازِ فطرت پہ لاکھوں سلام
قاسمِ کنزِ نعمت پہ لاکھوں سلام
مصطفٰی جانِ رحمت پہ لاکھوں سلام
شمعِ بزمِ ہدایت پہ لاکھوں سلام

جس کو بے چین رکھتا تھا امت کا غم
نیک و بد پر رہا جس کا یکساں‌کرم
وہ حبیبِ خدا ، وہ شفیع امم
شہر یارِ ارم ، تاجدارِ حرم
نوبہارِ شفاعت پہ لاکھوں سلام

سرورِ دو جہاں ، شاہِ جن و بشر
جس کی چوکھٹ پہ جھکے ہیں شاہوں کے سر
عبدِ خالق ، مگر خلق کا تاجور
صاحب رجعتِ شمس و شق القمر
نائبِ دستِ قدرت پہ لاکھوں سلام

وہ خداوند اقلیمِ جود و سخا
ہادیِ انس و جاں ، شاہ ہر دوسرا
سر بر آوردہ حلقہ انبیاء
جس کے زیرِ لِوا آدم و من سوا
اُس سزائے سیادت پہ لاکھوں سلام

عہدِ طفلی میں وہ دلبرانہ چلن
دلستاں خامشی معجزانہ سخن
حسن میں دل کشی ، چال میں بانکپن
اللہ اللہ وہ بچنے کی پھبن
اس خدا بھاتی صورت پہ لاکھوں سلام

سُرمگیں آنکھ ما زاغ کی رازِ داں
حلقہ زلف ، امت کا دارالاماں
ہاتھ فیاض ، عقدہ کشا انگلیاں
پتلی پتلی گلِ قدس کی پتیاں
ان لبوں کی نزاکت پہ لاکھوں سلام

نور افشاں ہُوا جب وہ بطحی کا چاند
دیکھنے آئے سب ، روئے طیبہ کا چاند
آسماں پر پڑا ماند دنیا کا چاند
جس سہانی گھڑی چمکا طیبہ کا چاند
اس دل افروزِ ساعت پہ لاکھوں سلام

جس گھڑی یاد بابِ حرم آگیا
سوزِ فرقت سے آنکھوں‌میں نم آگیا
موج میں جب وہ عیسی حشم آگیا
جس طرف اٹھ گئی دم میں دم آگیا
اس نگاہِ عنایت پہ لاکھوں سلام

رنجِ تنہائی ، تنہا سے پوچھے کوئی
دردِ شبیر ، زہرا سے پوچھے کوئی
تہہ میں کیا ہے ، یہ دریا سے پوچھے کوئی
کس کو دیکھا یہ موسیٰ سے پوچھے کوئی
آنکھ والوں کی ہمت پہ لاکھوں سلام

جس کی تقدیس کا رنگ گہرا رہا
جس کے در پر فرشتوں کا پہرا رہا
مغفرت کی سند جس کا چہرا رہا
جس کے ماتھے شفاعت کا سہرا رہا
اس جبینِ سعادت پہ لاکھوں سلام

بندگی جس کے صدقے ٹھکانے لگے
جس کے دیکھے خدا یاد آنے لگے
جس سے روتے ہوئے مسکرانے لگے
جس سے تاریک دل جگمگانے لگے
اس چمک والی رنگت پہ لاکھوں سلام

روئے روشن پہ پڑتی نظر کی قسم
آمنہ کے چمکتے قمر کی قسم
مجھ کو سرکار کے سنگِ در کی قسم
کھائی قرآں نے خاکِ گزر کی قسم
اس کفِ پا کی حرمت پہ لاکھوں سلام

جس کا حامی خداوندِ عالَم رہا
فتح کا جس کے ہاتھوں میں پرچم رہا
جس کا رتبہ جہاں میں مسلم رہا
جس کے آگے سرِ سروراں خم رہا
اس سرِ تاجِ رفعت پہ لاکھوں سلام

جس کے آگے سلاطینِ عالَم جھکیں
جس کے اک بول پر اہلِ دل مر مٹیں
جس کی تعمیلِ ارشاد قدسی کریں
وہ زباں‌ جس کو سب کن کی کنجی کہیں
اس کی نافذ حکومت پہ لاکھوں سلام

وقتِ دیدار ، چشم تماشا جھکی
دیکھ کر جلوہ گر ، موجِ دریا جھکی
جس کی آمد پہ دیوارِ کسریٰ جھکی
جس کے سجدے کو محراب کعبہ جھکی
ان بھوؤں کی لطافت پہ لاکھوں ‌سلام

خیر دنیا نہیں ، خیر عقبیٰ نہیں
اس کے دستِ تصرف میں کیا کیا نہیں
جس کی طاقت کا کوئی ٹھکانا نہیں
جس کو بارِ دو عالم کی پروا نہیں
ایسے بازو کی قوت پہ لاکھوں سلام

کون ہے وہ ، کرم جس پہ ان کا نہیں
سب کے ہیں ، ایک میرے ہی آقا نہیں
ایک میں ہی غلام ان کا تنہا نہیں
ایک میرا ہی رحمت پہ دعوی نہیں
شاہ کی ساری امت پہ لاکھوں سلام

خواجہ تاشِ نصیرِ ثنا خواں، رضا
وہ بریلی کے احمد رضا خاں رضا
لا کے صف میں مجھے ان کے درباں، رضا
مجھ سے خدمت کے قدسی کہیں ہاں رضا
مصطفی جانِ رحمت پہ لاکھوں سلام

✰✰✰

Mustafa jane rehmat pe lakhon salam Tazmeen lyrics in Hindi

Coming soon

✰✰✰

Mustafa jane rehmat pe lakhon salam Tazmeen lyrics in English

Coming soon

✰✰✰

Mustafa Jane Rahmat Pe Lakho Salam With Tazmeen Mustafa Jaane Rehmat Tazmeen Saahibe Taaje Izzat Pe Laakhon Salaam mustafa jane rehmat pe lakhon salam tazmeen lyrics hindi mustafa jane rehmat pe lakhon salam tazmeen lyrics urdu mustafa jane rehmat pe lakhon salam tazmeen lyrics english mustafa jane rehmat pe lakhon salam complete lyrics urdu mustafa jane rehmat pe lakhon salam in lyrics mustafa jane rehmat pe lakhon salam tazmeen pdf Wah Kya Joodo Karam Tazmeen Lyrics Tere Naam ko Khuda ne Bada Mohtaram banaya Lyrics तेरे नाम को खुदा ने बड़ा मोहतरम बनाया लिरिक्स Tazmeene Gauhar Tazmeen e Gauhar تضمین گوہر Kalame Ala Hazrat Tazmeen