Sarware Ambiya Teri Kya Baat hai Lyrics in Urdu

Table of Content (toc)

یوں تو سارے نبی محترم ہیں مگر

سرور انبیاء تیری کیا بات ہے

رحمت دو جہاں اک تیری ذات ہے

اے حبیبِ خدا تیری کیا بات ہے

روحِ کون ومکاں پہ نکھار آ گیا

روحِ انسانیت کو قرار آ گیا

مرحبا مرحبا ہر کسی نے کہا

آمدِ مصطفیٰ تیری کیا بات ہے

حضرتِ آمنہ کے دلارے نبی

غمزدہ امتوں کے سہارے نبی

روزِ محشر کہے گی یہ خلقِ خدا

سب کے مشکل کشا تیری کیا بات ہے

چار سو رحمتوں کی گھٹا چھا گئی

باغِ عالم میں فصلِ بہار آ گئی

دل کا غنچہ کھِلا اسم اعظم ملا

ذکرِ صل علی تیری کیا بات ہے

رحمتِ دو جہاں کا خزینہ ملے

جب گلے سے ہوائے مدینہ ملے

عرشیوں کی ندا فرشیوں کی صدا

اے درے مصطفیٰ تیری کیا بات ہے

آرزو تھی جو دل کی وہ پوری ہوئی

روضئہ مصطفیٰ کی حضوری ہوئی

ہر جگہ پر ظہوری ظہوری ہوئی

اے نبی کے گدا تیری کیا بات ہے

📚 کلیات ظہوری

✰✰✰

Sarware Ambiya Teri Kya Baat hai Lyrics in Hindi

coming soon

✰✰✰

Sarware Ambiya Teri Kya Baat hai Lyrics in English

coming soon

✰✰✰